दुष्यन्त चौधरी
कलैया, २५ कार्तिक । १७ वर्ष देखि वन मुद्दामा फरार रहेका प्रतिवादी पक्राउ परेका छन् । ईलाका प्रहरी कार्यालय सिमराको टोलीले १७ वर्ष देखि वन मुद्दामा फरार रहेका एक प्रतिवादीलाई पक्राउ गरेका बारे जिल्ला प्रहरी कार्यालय बाराले जानकारी दिए ।
बारा जिल्ला अदालतको मिति २०५९।०९।२३ गतेको फैसला आदेशले वन मुद्दामा ६ महिना कैद हुने ठहर भई फरार रहेका जिल्ला बारा साबिक ईनर्वासिरा गाबिस वडा नम्बर ८ हाल जितपुरसिमरा उपमहानगरपालिका वडा नम्बर २० बस्ने ४० वर्षिय देवानन्द गिरीलाई पक्राउ गरेको बारे जिल्ला प्रहरी कार्यालय बाराले बताए ।
सोमबार ईलाका प्रहरी कार्यालय सिमराबाट खटिएको प्रहरी टोलीले गिरी लुकीछिपी बसेको अवस्थामा फेला पारी पक्राउ गरीएको जिल्ला प्रहरी कार्यालय बाराले जनाए । पक्राउ गरेको गिरीलाई सम्मानित बारा जिल्ला अदालतमा प्रस्तुत गरि सम्मानित अदालतको आदेशले ठेकिएको कैद भुक्तानको लागी कारागार कार्यालय बिरगंज पठाईएको जिल्ला प्रहरी कार्यालय बाराले जानकारी दिए ।
