कृपा सवाददाता
बिरगंज, २४ कार्तिक । भारतीय नक्सामा नेपाली भूमि समावेश गरिएको भन्दै सतारुढ दल नेपाल कम्युनिष्ट पार्टी (नेकपा) का भातृ संगठन अनेरास्ववीयु पर्साले भारत विरुद्ध आईतबार वीरगन्जमा प्रदर्शन गरेका छन् । अनेरास्ववीयु पर्साका अध्यक्ष मित्रदेव यादवको अगुवाईमा घण्टाघरबाट शुरु प्रर्दशन भारतीय महावाणिज्य दूतावास अगाडी पुगेर कोण सभामा परिणत भएको थियो ।
प्रदर्शनमा ‘लिपुलेक, लिम्पियाधुरा, कालापानी लगायत अतिक्रमित नेपाली भूमि फिर्ता गर’ लेखिएको ब्यानर र प्लेकार्ड बोकेर विद्यार्थी उत्रिएका थिए । त्यसैगरी नेपाली जग्गा मिच्न पाईदैन , छिमेकी शत्रु चाहिदैन , भारतीय प्रधान मन्त्री मुर्दावाद , नेपालको जग्गा फिर्ता गर लगायतको नारा लगाउदै भारतीय दुताबास अगाडी प्रदर्शन गर्दै धर्ना दिएका थिए । साथै कालापानी हाम्रो हो, लिपुलेक हाम्रो हो , लुम्पियाधुरा हाम्रो हो , नेपाली सिमा मिच्न पाईदैन, नरेन्द्र मोदी मुर्दावाद , भारतीय बिस्तारवाद मुर्दावाद लगायतका नारा लगाउदै सयौं युवाहरु प्रर्दशन गरेका थिए ।
भारतले नेपाली भुमि तत्काल फिर्ता नगरे कडा आन्दोलन गर्ने समेत चेतावनी दिएका थिए । प्रदर्शन कार्यक्रममा रामबाबु मंडल , हबलिराम साह , नेकपाका नेता उमेश गुप्ता , अनेरास्ववीयुका हेमन्त तामांग , महमुद अंसारी , संदिप यादव , मेराजुल अंसारी , अकलेश साह, बिशाल सरार्फ , सिता पटेल लगायतको सहभागीता रहेको थियो ।
