सेढवा,पर्सा जिल्ला स्थित सबडिभिजन वन कार्यालय सबैयाका फरेष्टर पुरूषोतम पटेल नेतृत्वमा गएको वनगस्ती टोली र काठ तस्करबीच झड्प भएको छ ।
सोमवार बिहान वीरगन्ज महानगरपालिका वडा नम्बर ३० बेलवा चोकमा वन कर्मचारी र काठ तस्करबीच झड्प हुँदा सबैया साझेदारी वनका हेरालु संजय महतो धाङड गम्भीर घाइते भएका छन् ।
तस्करको छुरा प्रहारबाट हेरालु धाङड रक्ताम्य भएर गहुँ खेतमा ढलेका थिए । उनको उपचार स्थानीय क्लिनिकमा भइरहेको छ । घटना स्थलबाट प्रहरीले सालको गोलिया काठ एक थान र साईकल बरामद गरिएको छ ।
