कृष्ण मोहन साह
सेढवा,पर्साको जिराभवानी गाउँपालिकामा मंगलवार बेलुका मोटरसाइकल दुर्घटना हुँदा एकजनाको मृत्यु भएको छ भने अर्का एकजना समान्य घाइते भएका छन । मृतक र घाइते दुबै साढुदाई र भाइ हुन ।
जिराभवानी गाउँपालिका वडा नम्बर १ जगतिया नजिक हुलाकी मार्गमा रहेको कल्भर्टमा बिआर २२ एके ५७०५ नम्बरको भारतीय नम्बर प्लेटको मोटरसाइकल ठोक्किदा जिराभवानी गाउँपालिका वडा नम्बर १ पकडी टोलका ४० वर्षिय हेमनारायण दासको उपचारको लागि वीरगन्जतर्फ लैजादै गर्दा बाटोमा नै मृत्यु भएको प्रहरीले जनाएको छ ।
मोटरसाइकल चालक भारत बिहार भङहा थाना सिस्वा बस्ने वर्ष ४५ को सिताराम दास समान्य घाइते भएका छन । घाइते दासको वीरगन्ज न्युरो अस्पतालमा उपचार भइरहेको प्रहरी चौकी महादेव पट्टीका प्रहरी सहायक निरीक्षक अवधेशप्रसाद यादवले जानकारी दिनुभयो ।
