कलैया,बारामा करेन्ट लागेर एक जनाको मृत्यु भएको छ । मृत्यु हुनेमा सिम्रौनगढ नगरपालिका वडा नम्बर ५ बस्ने वर्ष ६५ का जनक राउत रहेको जिल्ला प्रहरी कार्यालय बाराका प्रवक्ता एंव प्रहरी नायब उपरीक्षक राजेश थापाले जानकारी दिनुभयो ।
सोमबार सिचाईको लागि पानी तान्ने मोटरबाट खेतमा पानी पटाउने क्रममा करेन्ट लागेर घाइते भएका राउतलाई उपचारको लागि सिम्रौनगढ नगर अस्पताल लगिएको थियो । त्यहाबाट थप उपचारको लागि कलैया अस्पताल ल्याइएको थियो । उनको उपचारको क्रममा सोमवार राति मृत्यु भएको प्रहरी नायब उपरीक्षक थापाले जानकारी दिनुभयो ।
