बरियारपुर,नेकपा एकीकृत समाजवादी पार्टी नेपालको महागढीमाई वडा नम्बर ३ र १० मा वडा कमिटी सोमबार गठन गरिएको छ । नेकपा एकीकृत समाजवादी पार्टी केन्द्रीय कमिटी सद्स्य दिनेश राईको प्रमुख अतिथ्यतामा महागढीमाई वडा नम्बर ३ मा ओमशंकर साहको अध्यक्षतामा २५ सदस्यीय कमिटी गठन भएको हो । कमिटीको सचिवमा कन्हैया चौधरी रहनुभएको छ ।
त्यसैगरी महागढीमाई वडा नम्बर १० मा गणेश साहको अध्यक्षतामा २५ सदस्यीय कमिटी गठन गरिएको छ । कमिटीको सचिवमा अमित जैसवार रहनुभएको छ ।
केन्द्रीय सदस्य राईले कमिटीका पदाधिकारी र सदस्यहरुलाई सम्मान गर्नु भएको थियो । सो अवसरमा नेकपा एकीकृत समाजवादी पार्टीका नेताहरु बिजेन्द्र चौधरी, बिक्रम ठाकुर, गोबिन्द चौधरी, प्रभुलाल कुशवाहा, महागढीमाई नगर संयोजक जयकिसुन यादव, गोपाल साह सोनार, भोला अंसारीलगायतको सहभागिता रहेको थियो ।
