वीरगन्ज,पर्सा प्रहरीले वेवारिसे अवस्थामा रहेका ९ वटा भारतीय नम्बर प्लेट भएका मोटरसाइलक बरामद गरेको छ । शुक्रबार वीरगन्ज महानगरपालिको वडा नम्बर ३, १६ र २२ बाट ती मोटरसाइकलहरु बरामद गरिएको जिल्ला प्रहरी कार्यालय पर्साले जनाएको छ । प्रहरीले बीआर.०५ भी.०११६, बीआर ०५ एम.३४२४, बीआर ०५.एइ.९९७३, बीआर ०५.एबी ८४९६, बीरआर २२ एफ १९४०, बीआर ०५ एक्स ६६४७, बीआर ०५,यू ९०२६, बीआर ०५ वाई १९२८ र बीआर ०५ वाई ४३४६ नम्बर प्लेट भएका मोटरसाइएलहरु बरामद भएको पर्सा प्रहरीले जनाएको छ । बरामद गरिएको मोटरसाइकलहरुको मुल्य ६ लाख ७० हजार मूल्यांकन गरी वीरगन्ज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालले जानकारी दिनुभयो । ती भारतीय मोटरसाइलहरु चोरी गरी नेपाल ल्याइएको हुनसक्ने प्रहरीको आशंका छ ।
