नरेश गुप्ता
बरियारपुर – एतिहासिक एव धार्मिक स्थल गढीमाईमा मकर सक्रान्तिमा श्रद्धालुहरुको भिडभाड मंगलबार देखि बढेको छ । गढीमाई प्रती ठूलो आस्था र बिश्वास लिएर नेपाल लगायत भारत बाट लाखौं संख्यामा श्रद्धालुहरु बाराको गढीमाई मन्दिरमा आईसकेका छन ।
आफ्नो मनोकामना र ईच्छा पूरा भएपछी भाकलको रुपमा बोका ,रांगा , परेवा उडाउने श्रद्धालुहरुले गर्छन । विश्व प्रसिद गढीमाईमा मकर सक्रान्तीमा लाग्ने मेलाको जिम्मेवारी पंचबर्षिय गढीमाई मेला ब्यवस्थापन मुल समितिलाई दिइएको छ । मकर सक्रान्तिमा गढीमाईमा लाग्ने श्रद्धालुहरुको भिडभाड नियन्त्रण र शान्ति सुरक्षाको लागि नेपाल प्रहरीको २०० जना र सशस्त्र प्रहरीको १०० जना सुरक्षाक्रमिहरुलाई खटाईएको बाराको प्रहरी प्रवक्ता गौतम मिश्रले बताउनु भयो ।
श्रद्धालुहरुको आवश , खानेपानी ,शौचालय , बिजुलिबती तथा मनोरञ्जनको लागि पिङ्ग झुला , मौत कुवा लगायतको साधनहरुको ब्यवस्थापन गरिएको मुल समितिको महासचिव मोतिलाल कुशवाहाले बताउनु भयो । मकर सक्रान्तिमा गढीमाईमा लाग्ने मेलामा मन्दिरको वरिपरिको पसलहरु हटाई श्रद्धालुहरुको दर्शनको लागि ब्यवस्था मिलाईएको छ । दुई दिन सम्म लाग्ने मकर सक्रान्ती मेलामा श्रद्धालुहरुको शान्ती सुरक्षा ,पार्किङ्ग ब्यवस्थापनको लागि ट्राफिक प्रहरी र सुरक्षाकर्मी परिचालन गरिएको छ ।
