कृपा संवाददाता
निजगढ , २२ कार्तिक । पूर्व पश्चिम राजमार्गमा रहेको बाराको जितपुर सिमरा उपमहानगरपालिका वडा नम्बर १६ पसाहामा ट्रकको ठक्करबाट एक जनाको मृत्य भएको छ । भने अर्का एक जना घाइते भएका छन् ।
शुक्रबार बिहान ना ६ ख ७०६७ नम्बरको ट्रकको ठक्करबाट बा ८८ प ४८५३ नम्बरको मोटरसाइकलमा सवार रहेका चालकको मृत्यु भएको बारे जिल्ला प्रहरी कार्यालय बाराले जानकारी दिए । भने सोहि मोटरसाईकलमा सवार अर्का एक जना घाइते भएको जिल्ला प्रहरी कार्यालय बाराका प्रहरी नायब उपरिक्षक रंजित सिंह राठौरले बताए ।
मृतकको सनाखत हुन सकेको छैन । घाइतेलाई भने उपचारका लागि वीरगञ्ज पठाइएको प्रहरीले जनाएको छ । ठक्कर दिने ट्रकसहित चालकलाई प्रहरी चौकी पथलैयाले नियन्त्रणमा लिएको छ ।
