नरेश गुप्ता
बरियारपुर – सशस्त्र प्रहरी सुरक्षा बल निजगढ र तामागढी बन कार्यालयको संयुक्त गस्ती टोलिले जितपुर सिमरा १६ टाङ्गिया बस्ती बाट अबैध गांजा सहित ७ लाख मूल्य बराबरको सालको गोलिया बरामद गरेको छ । सशस्त्र प्रहरी बल निजगढको सशस्त्र प्रहरी निरीक्षक राम कुमार महतको कमान्डमा रहेको ईलाका बन कार्यालय तामागढीको संयुक्त टोलिले टाङ्गिया बस्ति स्थित मकै बारिमा लगाईएको अबैध गांजा खेती नष्ट गरिएको छ ।
दुई कठा क्षेत्रफलमा लगाईएको अबैध गांजा फडानी गर्ने क्रममा तयारी गांजा ८ किलो बरामद गरिएको बाराको सशस्त्र प्रहरी उपरीक्षक दिगबिजय सुबेदिले बताउनु भयो । बरामद गरिएको गांजा इलाका प्रहरी कार्यालय निजगढमा बुझाईएको छ । त्यसैगरी सशस्त्र प्रहरी र बन गस्तीको टोलिले जितपुर सिमरा १६ टाङ्गिया बस्तिमा लुकाई छिपाई राखेको अवस्थामा ७ लाख बराबरको सालको गोलिया समेत बरामद गरिएको सशस्त्र प्रहरी उपरीक्षक दिग बिजय सुबेदिले बताउनु भयो ।
