कृपा संवाददाता
निजगढ, १४ मंसिर । निजगढ नगरपालिका वडा नं ११ स्थित उदयमान रतनपुरी युवा क्लबले ९ जना शारीरिक रुपमा अशक्त , एकल तथा विपन्न परिवारका सदस्यलाई शनिबार न्यानो कपडा वितरण गरेको छ ।
क्लबले निजगढ नगरपालिका ११ निवासी घमान सिङ मगर,गोरख बहादुर श्रेष्ठ ,सुकुमाया रुम्बा, दुदुमाया रुम्बा, दावा लामा,बथा गुरो,जितमान जोगि, दल बहादुर आलेमगर र लिला बहादुर स्याङ्तान लाई घरमै पुगेर न्यानो कपडा ज्याकेट वितरण गरेको हो ।
निजगढ नगर कार्यपालिका सदस्य पवन वि क को प्रमुख आतिथ्यतामा सम्पन्न एक कार्यक्रमका बिच उनिहरुलाई न्यानो ज्याकेट प्रदान गरिएको हो । क्लबका अध्यक्ष हरिबहादुर वाईवाको सभा अध्यक्षतामा सम्पन्न कार्यक्रममा स्थानिय समाजसेवी,बुद्धिजीवी तथा सरोकारवालाहरुसङग सल्लाह सुझाव संकलन पनि गरेको थियो ।
कार्यक्रममा वडा सदस्य कुन्तिदेवी धामी, शिक्षक सियाराम कुवर, स्थानिय समाजसेवि शंकरबहादुर रुम्बा, यश कुमार स्याङ्तान, बेनि बहादुर कार्की दिनेश गुरो, रतनपुरी अस्थाई प्रहरी चौकी ईन्चार्ज नीर बहादुर लामा लगायतको उपस्थिती थियो । कार्यक्रमको संचालन देव बहादुर घिमिरेले गर्नु भएको हो ।
