अनिल तिवारी
सिमरा, २७ कार्तिक । घुम्टो भित्र बस्ने परम्परालाई तोड्दै बाराको जीतपुरमा ३ जना मुस्लिम महिलाले रक्तदान गरेका छन् । सन राईज युवा क्लव जीतपुरको आयोजनामा बुधवार आयोजीत रक्तदान कार्यक्रममा ५० जनाले रक्तदान गरेका थिए । जसमध्ये गांउकै तिन जना मुस्लिम महिलालेपनि रक्ता गरेका हुन् ।
“रक्तदान नै जीवन दान हो” भन्ने कुरा सुन्दै आएका तर अवसर नपाएका जीतपुरसिमरा उपमहानगरपालिका ७ नसिमनगरका ३ जना महिलाले आफ्नै गाउंमा आयोजना गरीएको रक्तदान कार्यक्रममा रक्तदान गर्न पाउंदा हर्षिह थिए । दिन भरि घरको चुलो चौकोमा ब्यस्त हुने यहांका मुस्लिम महिलाहरु आफ्नो स्थानिय ठांउमा यस्ता कृयाकलाप नभएपछि त्यसमा सहभागी हुन नपाएको तर अवसर पाउने बितिकै रक्तदान गरेको सफिना खातुनको भनाई छ ।
सन राईज युवा क्लव जीतपुरको आयोजनामा सम्पन्न यस कार्यक्रममा ६ जना महिला सहित ५० जनाले रक्तदान गरेका हुन् । आजम ईन्टरप्राईजेज जीतपुर र सशस्त्र प्रहरी बल नेपाल जीतपुर वेश क्याप्पले सहयोग गरेको थियो । आयोजक सन राईज युवा क्लवका अध्यक्ष सोएव अंसारीको सभा अध्यक्षतामा सम्पन्न कार्यक्रममा जीतपुरसिमरा उपमहानगरपालिकाका नगर प्रमुख डा. कृष्ण पौडेलको प्रमुख आतिथ्यता रहेको थियो ।
कार्यक्रममा बोल्दै प्रमुख अतिथी पौडेलले रक्तदान कार्यक्रमले समाजलाई जोड्ने काम गर्ने बताउनुभएको थियो । क्लब तथा विभिन्न संघसस्थाले आफ्नो समाजीक उतरदायीत्व बहन गर्नपनि यस्ता काम गर्ने गरेको बताउदै जीवनको रक्षा हुने काम गरेको प्रती यस क्लबलाई धन्यवाद समेत दिनुभएको थियो ।
कार्यक्रममा जीतपुरसिमरा उपमहानगपालिका वडा नम्बर ७ का वडा अध्यक्ष रामबाबु गुप्ता, नेकपाका नेता एवम बकुलिया क्याम्पसका अध्यक्ष देवनारायण चौधरी, सुनिल गुप्ता, मुगले आजम अंसारी, फकिरागिरी राजेश्वर गिरी माध्यमिक विद्यालयका प्र.अ. राजु सिंह, एभरग्रिन अंग्रेजी स्कुलका प्र.अ.राजेन्द्र कडेल, जीतपुर पब्लिक स्कुलका प्र.अ. केशव तिमलसि, सहिद स्माकका प्र.अ. मालती कुमल, स्थानिय नेता अफ्ताव आलम, जहिर मौलाना, गंगा पटेल लगायतको उपस्थिति रहेको थियो ।
