सिम्रौनगढ,बाराको सिम्रौनगढ–७ स्थित श्री कन्काली माध्यमिक विद्यालयका विद्यार्थी र शिक्षकहरूलाई मंगलवार एकदिने विपद् व्यवस्थापन प्रशिक्षण प्रदान गरिएको छ ।नेपाली सेनाको रिपुमर्दन गण बारा, कलैयाको आयोजनामा भएको तालिममा सेनाले विद्यार्थीहरूलाई आगलागी, बाढी र भूकम्पजस्ता विपद्बाट जोगिने बारेमा सैद्धान्तिक तथा प्रयोगात्मक प्रशिक्षण दिएको थियो। यसका साथै कार्यक्रममा घाइतेहरुको प्राथमिक उपचारको लागि पनि जानकारी सिकाइएको थियो।
रिपुमर्दन गण बारा, कलैयाका मेजर खड्कध्वज कार्कीको कमान्डमा ६० जना सेना र २०० जना विद्यार्थी तालिममा सहभागी थिए। मेजर कार्कीले विपद्को समयमा कसरी सुरक्षित रहने र अरूलाई सहयोग गर्ने भन्ने बारे जानकारी दिनुभएको थियो ।
