वीरगञ्ज,वीरगन्ज महानगरपालिका– १६ रजत जयन्ती चोकबाट अवैध लागु औषध खैरो हेरोइन जस्तो देखिने पदार्थ करिब ३ सय ७० मिलिग्रामसहित २ जनालाई शनिवार दिउँसो प्रहरीले पक्राउ गरेको छ ।पक्राउ पर्नेहरूमा वीरगन्ज महानगरपालिका– २० हरपतगंज टोल बस्ने १९ वर्षीय कार्तिककुमार राय र सोही महानगरपालिका– १७ भुटनदेवी बस्ने २० वर्षीय युवराज राय रहेका छन् ।प्रहरी चौकी इनरुवा र लागु औषध नियन्त्रण ब्यूरो शाखा कार्यालय वीरगञ्जबाट खटिएको संयुक्त टोलीले भारत रक्सौलबाट वीरगञ्ज बजारतर्फ आउँदै गरेका उनीहरूलाई उक्त पदार्थसहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
