सखुवाप्रसौनी,पर्साको पर्सागढी नगरपालिका वडा नम्बर ३ सिर्जन टोल नजिकबाट वन सुरक्षाकर्मीको टोलीले ३ थान सालको गोलिया काठ बरामद गरेको छ ।सबैया साझेदारी वन क्षेत्रबाट तस्करहरुले सालको रुख कटान गरि गोलिया बनाइ साईकलमा राखेर ल्याउदै गरेको अवस्थामा सब डिभिजन वन कार्यालय बडनिहारका सुबेदार प्रदिप तिमल्सिनाको कमान्डमा खटेको वन गस्ती टोलीले ३ थान सालको गोलिया र ३ थान साईकल बरामद गरेको हो ।काठ तस्करहरु भने वन गस्ती टोलीलाई देख्नासाथ साइकलसहित काठ छाडेर फरार भएको उहाँले बताउनुभयो । फरार तस्करहरुको खोजी कार्य भईरहेको सुबेदार तिमल्सिनाले बताउनुभयो ।चाड पर्वको समय नजिकिँदै गर्दा पर्साको वन क्षेत्रबाट सालको काँचो गोलिया तस्करी गरी बिक्री गर्ने क्रम बढेको छ ।
