वीरगञ्ज,पर्साको जगरनाथपुर गाउँपालिका वडा नम्बर .२२ स्थित श्री नेपाल राष्ट्रिय आधारभुत विद्यालयमा नेपाल भोजपुरी समाज वीरगञ्जले कला संस्कृति विषयमा प्रशिक्षण कार्यक्रम सम्पन्न गरेको छ ।समाजका अध्यक्ष ध्रुव सिंह ठकुरीको प्रमुख अतिथ्यतामा भएको कार्यक्रममा कलाकार अजमत अली अंसारीले भोजपुरी चित्रकलाको महत्वको बारेमा तालिमका सहभागी विद्यार्थीहरुलाई प्रशिक्षण दिनुभएको संस्थाका सचिव राजेन्द्र सिंहले जानकारी दिनुभयो ।कार्यक्रम विद्ययालयका प्रधानाध्यापक नन्दकिशोर गिरीको अध्यक्षतामा भएको हो । समाजका अध्यक्ष ठकुरीले भोजपुरी भाषाका विभिन्न गीत, संगीत प्रस्तुत गर्नुभएको थियो ।
