निजगढ,पूर्वपश्चिम राजमार्ग छेउमा घर अगाडि पार्किङ्ग गरेर राखेको गाडीको ब्याट्री र पाङ्गग्रा खोलेर चोरी गर्ने एक जनालाई निजगढका स्थानीयले समातेर शुक्रवार निजगढ प्रहरीको जिम्मा लगाएका छन ।निजगढ नगरपालिका वडा नम्बर ७ का गोपाल संजेलको ना.४ ख ४१८७ नम्बरको तेल ट्याङकरको २ थान चक्का र ब्याट्री निकालेर चोरी गर्दै गरेको अवस्थामा स्थानीयले जीतपुरसिमरा उपमहानगरपालिका वडा नम्बर .११ बस्ने वर्ष २८ को सामानन्द बिश्वथारुलाई नियन्त्रणमा लिएरे इलाका प्रहरी कार्यालय निजगढको जिम्मा लगाएका हुन ।सन्जेलले आफ्नै घर अगाडि राजमार्गको छेउमा पार्किङ्ग गरेर राखेको ट्याङकरबाट चक्का, ब्याट्री र अन्य उपकरण निकालेर अर्को ट्रकमा लोड गर्दै गरेको अवस्थामा ट्रकसहित थारु बिहान ४.४५ बजे स्थानीयको नियन्त्रणमा परेका थिए । पक्राउ परेका थारुलाई जिल्ला अदालत बारामा म्याद थप गरी थप अनुसन्धान प्रकृया अगाडि बढाईएको इलाका प्रहरी कार्यालय निजगढका प्रहरी निरीक्षक घनश्याम श्रेष्ठले जानकारी दिनुभयो ।
