नरेश गुप्ता
बरियारपुर,बाराको पतरहट्टीमा गुडिरहेको ट्रकमा शनिबार राति अचानक आगलागी भएको छ । बरियारपुरबाट कलैया जादै गरेको ना ७ ख ८१९ नम्बरको ट्रकमा शनिबार राति ८ बजेतिर महागढीमाई नगरपालिका वडा नम्बर २ पतरहट्टी जाने हुलाकी सडकको मोडमा आगलागी भएको बारा प्रहरीले जनाएको छ ।
आगलागीबाट ट्रकको बाँया साईडको ६ वटा चक्का जलेर नष्ट भएको छ भने त्यसमा लोड भएको गहुँ पनि जलेको छ । महागढीमाई नगरपालिकाको बारूण यन्त्रको सहयोगमा ट्रकमा लागेको आगो नियन्त्रण लिइएको सशस्त्र प्रहरी बरियारपुर बेस क्याम्पका सशस्त्र प्रहरी निरीक्षक गणेश थापाले जानकारी दिनुभयो ।
ट्रकको पछाडितर्फको चक्काको ब्रेकसोलमा अत्याधिक घर्षणले ट्रकमा आगलागी भएको हुनसक्ने प्रहरीको अनुसन्धानले देखाएको बताइएको छ ।
