सिमरा,नेकपा एमालेले जीतपुरसिमरा उपमहागरपालिका वडा नम्बर १ पथलैयामा नेकपा एमालेको सम्पर्क कार्यालय उद्धाटन भएको छ । चुनावलाई केन्द्रीत गर्दै वडा नम्बर १ कमिटीले सम्पर्क कार्यालय सुरु गरेको हो ।
कार्यालयको एमाले केन्द्रीय सदस्य एवम् बारा जिल्ला सहइन्चार्ज सरस्वती देवी चौधरीले उद्धाटन गर्नुभएको हो । सम्पर्क कार्यालयको उदघाटन गर्दै चौधरीले एमालेको पक्षमा बढदो जनलहरलाई स्थापित गर्न पनि एमालेको जित आवश्यक रहेको बताउनुभयो ।
कार्यक्रमा एमाले प्रदेश कमिटी सदस्य देवनारायण चौधरीले एमालेलाई बहुमतका साथ जिताउन आवश्यक रहेको बताउनुभयो । चौधरीले चुनावी अभियानलाई प्रभावकारी ढंगले अगाडि बढाउन आग्रह गर्नुभयो ।
कार्यक्रममा जिल्ला कमिटी सदस्य कासिम हुसेनले पथलैयाको समग्र विकासका लागि एमालेको जितको विकल्प नरहेको बताउनुभयो । कार्यक्रममा जिल्ला कमिटी सदस्य सुभद्रा न्यौपानेले एमालेको पक्षमा मतदान गर्न आग्रह गर्नुभयो ।
कार्यक्रममा जिल्ला कमिटी पूर्वसदस्य विष्णु भण्डारी, हिरा बस्नेत, मुस्तकिम अंसारी, राष्ट्रिय युवा संघ नगर अध्यक्ष गौरव नेपाल, नगर कमिटी सदस्य बिदुर घिमिरे, गोपाल सापकोटा, मनिष प्याकुरेल, वडा कमिटी उपाध्यक्ष नारायण लामालगायतको उपस्थिति रहेको थियो ।
वडा कमिटी अध्यक्ष ईश्वर थपलियाको अध्यक्षतामा सम्पन्न कार्यक्रमको संचालन सचिव प्रकाश खुलालले गर्नुभएको थियो । कार्यक्रममा वडा उपसचिव राजकुमार बर्तौलाले स्वागत मन्तव्य राख्नुभएको थियो ।
त्यसैगरी नेकपा एमालेले जीतपुरसिमरा उपमहानगरपालिका वडा नम्बर ४ मा चुनावी सम्पर्क कार्यालय उद्घाटन गरेको छ । चुनावी गतिविधिलाई प्रभावकारी बनाउन एमाले वडा कमिटीले सम्पर्क कार्यालय उद्घाटन गरेको हो ।
एमाले पोलिटव्युरो सदस्य एवम् मधेस प्रदेश सहईन्चार्ज ज्वाला साहले कार्यालयको उद्घाटन गर्नुभएको थियो । कार्यालयको उद्घाटन गर्दै पूर्वमन्त्री समेत रहेकी साहले एमालेले उभ्याएको उम्मेदवारलाई विजयी बनाउन सबै एकजुट भएर लाग्नुपर्ने बताउनुभयो ।
पार्टीभित्र उम्मेदवार बन्न थुप्रै आकांक्षी भएपनि सबै उम्मेदवार बनाउन नसकिने हुँदा पार्टी सक्षम व्यक्तिलाई उम्मेदवार बनाएर चुनावी मैदानमा उतार्ने साहले बताउनुभयो । अबको निर्वाचनमा जीतपुरसिमरा उपमहानगरपालिकामा बहुमतसहित जित हात पार्न आवश्यक रहेकाले पार्टीको चुनावी अभियानलाई जनस्तरमा लैजान उहाँले कार्यकर्तासंग आग्रह गर्नुभयो ।
कार्यक्रममा एमाले केन्द्रीय सदस्य सरस्वती देवी चौधरी, एमाले बाराका पूर्वअध्यक्ष देवनारायण चौधरी, एमाले बाराका सचिवालय सदस्य मनोज पौडेल, रेनु रिमाललगायतले मन्तव्य राखेका थिए । कार्यक्रममा अमृत शर्मा बजगाई, कमला घिमिरे, कासिम हुसेन, रमेश खरेललगायत एमालेका नेताकार्यकर्ताको उपस्थिति रहेको थियो ।
एमाले वडा नम्बर ४ का वडा कमिटी अध्यक्ष भागवत चौधरी अध्यक्षतामा सम्पन्न कायक्रमको संचालन त्रिलोक बिक्रम शाहले गर्नुभएको थियो । कार्यक्रममा उपाध्यक्ष रुद्र खतिवडाले स्वागत मन्तब्य राख्नुभएको थियो ।
त्यस्तै जीतपुरसिमरा उपमहानगरपालिका वडा नम्बर ७ को वडा कमिटीले सम्पर्क कार्यालय उद्घाटन गरेको छ । चुनावलाई लक्षित गर्दै सम्पर्क कार्यालय उद्घाटन गरिएको हो ।
नुरहुल्लाह अंसारीको अध्यक्षतामा सम्पन्न सम्पर्क कार्यालय उद्घाटन कार्यक्रमको संचालन मालती कुमालले गर्नुभएको थियो । कार्यक्रममा सुनिल गुप्ताले स्वागत मन्तव्य राख्नुभएको थियो । कार्यक्रममा एमालेका नेताकार्यकर्ताको उपस्थिति रहेको थियो ।
