निजगढ,निजगढ नगरपालिका वडा नम्बर ९ नदीकट्टमा शनिवार दिउसो आगलागी हुँदा करिव ७ बिघा क्षेत्रफलमा लगाइएको केरा खेती जलेर नष्ट भएको छ । आगलागीबाट २१ लाख रुपैया बराबरको क्षेति भएको बताइएको छ ।
दिउसो बजेतिर लागेको आगोले स्थानीय राजकुमार पहरी, चित्रप्रसाद चौलागाई, पुर्णबहादुर खडका र टेकबहादुर अस्थानी लगायत दर्जनौं किसानको केरा खेती जलेर नष्ट भएको स्थानीय मानबहादुर श्रेष्ठले जानकारी दिनुभयो ।
आगलागीबाट फल्न लागेको केराको बोट जलेर नष्ट भएको हो । आगलागीसंगै चलेको हावाले आगो फैलिएर ठूलो क्षति हुन पुगेको किसानहरुले बताएका छन । । आगोले केराको बोटको माथिल्लो भागको पातसमेत पुरु डढेको छ ।
स्थानीयले केराको थम्बा, खोला र धाराको पानी प्रयोग गरेर आगो नियन्त्रणमा लिएको श्रेष्ठले जानकारी दिनुभयो
