कलैया,बारामा मोटरसाइकल अनियन्त्रित भएर दुर्घटना हुँदा एकजनाको मृत्यु भएको छ भने अर्का एकजना घाइते भएका छन् ।
जिल्लाको पचरौता नगरपालिका वडा नम्बर– ९ कुडवास्थित पूर्व–पश्चिम गण्डक नहर सडकमा बिहीबार राति तेलकुवाबाट सिम्रौनगढतर्फ जाँदै गरेको बि.आर.०५ ए.एस. ७५८६ नम्बरको भारतीय मोटरसाइकल आफै अनियन्त्रित भएर नहरमा खस्दा दुर्घटना भएको हो ।
दुर्घटनामा परी सिम्रौनगढ नगरपालिका वडा नम्बर ९ बस्ने ६० वर्षीय रामजनम यादवको मृत्यु भएको छ भने मोटरसाइकलको पछाडि बसेका सोही स्थानका बिरेन्द्र यादव गम्भीर घाइते भएको जिल्ला प्रहरी कार्यालय बाराका प्रवक्ता एंव प्रहरी नायब उपरीक्षक राजेश थापाले जानकारी दिनुभयो । प्रहरी चौकी लंगडाको सहयोगमा घाइते दुवै जनालाई उपचारको लागि रोशन अली अस्पताल वीरगन्जमा लगिएको र त्यहाँ उपचार सम्भव नभएपछि उनीहरुलाई थप उपचारको लागि नेशनल मेडिकल कलेज वीरगन्जमा पठाइएको थियो । उपचारकै क्रममा रामजनमको बिहीवार राति पौने एक बजे मृत्यु भएको प्रहरी नायब उपरीक्षक थापाले बताउनुभयो ।
