जियालाल चौधरी
कोल्हबी,ईलाका प्रहरी कार्यालय कोल्हबीको आयोजनामा नव वर्ष २०७८ को अवसरमा अन्तरक्रिया कार्यक्रम आयोजना गरिएको छ । ईलाका प्रहरी कार्यालय कोल्हबीका प्रमुख शेखरकुमार साहको सभापतित्व र कोल्हबी नगरपालिकाका नगर–प्रमुख भरतबहादुर भण्डारीको प्रमुख अतिथ्यतामा ईलाका प्रहरी कार्यालय कोल्हबीको प्राङ्गणमा सोमबार अन्तरक्रिया तथा नव वर्ष ०७८ को शुभकामना आदानप्रदान कार्यक्रम सप्पन्न भएको हो । अन्तरक्रिया तथा शुभकामना आदानप्रदान कार्यक्रममा कोल्हबी नगरपालिकाकी नगर उप–प्रमुख सुनैना देबी थरुनी, कार्यकारी अधिकृत हरेन्द्र श्रेष्ठ, श्रीनेरामावि सपहीका अध्यक्ष तपेश्वर राय, क्याम्पस सभाका अध्यक्ष केबलप्रसाद चौधरी, सपही क्याम्पसका अध्यक्ष रामप्रसाद चौधरी, उद्योग बाणिज्य संघ साखा कार्यालय कोल्हबीका अध्यक्ष महेशकुमार साह, कोल्हबी नगरपालिकाका प्रवक्ता पुरनदेव चौधरी, वडा न. १ का वडा अध्यक्ष बिरेन्द्र चौधरी, वडा न.३ का वडा अध्यक्ष किसुनदयाल चौधरी, वडा न.७ का वडा अध्यक्ष बिरेन्द्र चौधरी, वडा न.५का वडा अध्यक्ष बासु चौधरी, वडा न.४ का वडा अध्यक्ष भेषबहादुर ढकाल, तमागढी साझेदारी वन समितिका अध्यक्ष रबिन्द्र पनुहर, समाजसेवी गोबिन्द पौडेललगायतले कार्यक्रममा बोल्नु भएको थियो । अन्तरक्रिया तथा शुभकामना आदानप्रदान कार्यक्रममा बोल्दै नगर प्रमुख भण्डारीले देशमा भइरहेको अपराध, महिला हिंशा, चोरी, तस्करीलगायतका अपराध न्यूनीकरण गर्न सबैको साथ सहयोग चाहिने बताउनुभयो । कार्यक्रममा ई.प्र.का कोल्हबीका प्रमुख साहले कार्यालयमा विभिन्न मुद्दा दर्ता हुने र सर्वसाधारण व्यक्तिहरुलाई सहज रुपमा सेवा प्रदान गर्दै आएको तथा प्रभावकारी ढंगले अपराध नियन्त्रण तथा अनुसन्धान समेत कार्य हुने बताउनुभयो । उहाँले दुर्घटना न्यूनीकरण गर्नका लागि कोल्हबी बजार वरिपरिका ३ ठाउँमा सवारी साधनको गति समिति गर्नको लागि स्पिड ब्रेकर र जनचेतनामुलक ट्राफिक चिन्हहरु राखिएको उहाँले जानकारी दिनुभयो।
