नरेश गुप्ता
बरियारपुर – बाराको प्रसौनी गांउपालिका ७ बलुवा टोल नजिक खेतबारीमा हत्या गरिएको अवस्थामा पुरुषको शव प्रहरीले बरामद गरेको छ । बरामद शव प्रसौनी गांउपालिका ७ बलुवा टोलको स्थानिय राधेश्याम सहनिको १४ बर्षिय छोरा रोषन सहनिको लास बरामद भएको जिल्ला प्रहरी कार्यालय बाराको प्रहरी प्रवक्ता गौतम मिश्रले बताउनु भयो ।
सहनिको शव खेतबारी नजिकै पराल राखेको ठाउबाट प्रहरीले बरामद गरेको हो । हिजो बेलुका घर बाट घुम्न भनी निस्केको सहनी राती अबेरसम्म घर नफर्के पछि खोजबिन गर्दै जांदा उनको शव खेतबारी नजिकै बरामद भएको मिश्रले जानकारी दिनु भयो ।
हत्या गरिएको सहनिको शव नजिक बाट ईट बरामद भएको र उनको टाउको चोट लागेको अवस्थामा शव बरामद गरिएको थियो । शवलाई जिल्ला अस्पताल कलैयामा पोष्टमार्टम गरि परिवारको जिम्मा लगाईएको र अनुसन्धान भैइरहेको प्रहरी प्रवक्ता गौतम मिश्रले जानकारी दिनु भयो ।
