नरेश गुप्ता
बरियारपुर – किर्ते गरि मनि ट्रान्सफर बाट पैसा निकालेर ठगि गर्ने युवालाई बारा प्रहरीले पक्राउ गरेको छ । जिल्ला रौतहट गरुडा नगरपालिका ४ बस्ने किशोरी साहको छोरा सुरेन्द्र साहलाई विभिन्न मितिमा किर्ते गरि रकम निकालेको अभियोगमा बारा प्रहरीले कलैयाको भरत चौकबाट सोमबार पक्राउ गरेको बाराको प्रहरी प्रवक्ता गौतम मिश्रले बताउनु भयो ।
वैदेशिक रोजगारमा मलेसियामा रहेको नेपाली गिरोह संग नक्कली नेपाली नागरिकता बनाई बिदेशमा बसेका नेपाली कामदारहरुले आफ्नो घर पठाएको रेमिटेन्स मार्फत रकम विभिन्न मितिमा साहले मनि ट्रान्सफर बाट निकालेका थियो । पुस २० गते भरत चौक स्थित शिवम मनि ट्रान्सफर बाट आदर्श कोतवाल गांपा ६ बर्ष ३७ को राजकुमार कुशवाहाको नाममा निजको भाईले मलेसिया बाट पठाएको रकम रु ९५,२००/ निकान लाग्दा सुरेन्द्र साहलाई पक्राउ गरिएको जिल्ला प्रहरी कार्यलय बाराले जनाएको छ ।
त्यसैगरी प्रसौनी गांपा ६ बस्ने श्रीरामजी कुशवाहाको नाममा आएको रकम रु १ लाख कलैया स्थित एसियन मनि ट्रान्सफर बाट सिमरौनगढ ७ खजानी निवासी रोशन सहको नाममा आएको रकम ६० हजार निकाली ठगी गरेको आरोपमा साहलाई पक्राउ गरिएको बारा प्रहरी प्रवक्ता मिश्रले बताए । पक्राउ परेको सुरेन्द्र साहलाई बारा जिल्ला अदालतमा प्रस्तुत गरि ठगी मुदामा ५ दिनको मयाद थमाई कार्वाही अगाडि बढाईएको जिल्ला प्रहरी कार्यलय बाराले जनाएको छ ।
