नरेश गुप्ता , मंसिर १ । बाराको श्री गढीमाई महेन्द्र प्राबिधिक नमुना बिधालयको कक्षा ८ मा अध्यनरत छात्राहरुलाई साईकल बितरण गरिएको छ । प्रदेश न २ सरकार बाट प्राप्त अनुदानबाट ७० वटा साईकल बितरण गरिएको बिधालयको प्रधानाध्यापक रामएकबाल साहले बताए ।
साईकल बितरण कार्यक्रमलाई सम्बोधन गर्दै वडा अध्यक्ष सुदामा साह कानुले बेटि बचाउ बेटि पढाउ , प्रदेश न २ को महत्वाकांक्षी योजनालाई धन्यबाद दिदै छात्राहरुको पढाइ प्रतिको भावना बढेको वहाले बताए । सोही कार्यक्रमलाई सम्बोधन गर्दै बिधालय ब्यवस्थापन समितिको अध्यक्ष दिपप्रकाश गुप्ताले छात्राहरुको मनोबल बढाउन साईकल बितरणले निकै सहयोग पुग्ने बताए ।
आर्थिक अवस्था कमजोर भएको छात्राहरुलाई साइकल बितरणले सहयोग पुगेको बताउनु भयो । सो अवसरमा प्रदेश न २ को सरकार बाट प्राप्त अनुदानबाट ७० जना छात्राहरुलाई साईकल बितरण गरिएको थियो । बिधालयको प्रधानाध्यापक रामएकबाल साहको अध्यक्षतामा समपन साईकल बितरण समारोहमा बिधालयको कर्मचारी ,शिक्षक ,बिधार्थिहरुको सहभागिता रहेको थियो ।
