नगरपिता राजेशमान सिंहसँग वीरगञ्जवासीका केही प्रश्न

वीरगञ्ज महानगरपालिकाका नगर प्रमुख राजेशमान सिंहज्यू,

नगर प्रमुखलाई सम्मानपूर्वक ‘नगरपिता’ भनिन्छ। यो केवल एउटा सम्बोधन होइन, एउटा जिम्मेवारी पनि हो।

‘पिता’ भन्नाले सन्तानलाई जन्म दिने मात्र होइन, गलत बाटोमा लाग्दा सही बाटो देखाउने, संकटमा पर्दा साथ दिने, आफू थाकेर पनि सन्तानको भविष्यका लागि उभिइरहने र आफ्ना सन्तानलाई सुरक्षित राख्ने अभिभावकलाई बुझिन्छ।

संस्कृतमा भनिएको छ— “जनकः, पालकः, संरक्षकश्च पिता इति कथ्यते।” अर्थात् जनक, पालक र संरक्षक नै पिता हुन्।

त्यसैले तपाईंलाई नगरपिता भनेर सम्बोधन गर्ने वीरगञ्जवासीले आज केही प्रश्न सोधिरहेका छन्। यी प्रश्न व्यक्तिगत विरोधका लागि होइनन्। यी प्रश्न ती नागरिकका हुन्, जसको घर, पसल, व्यवसाय, सम्पत्ति र भविष्य सडक विस्तारको बहससँग जोडिएको छ।

नगरपिताज्यू,