रौतहट,रौतहटमा सरस्वती माताको मूर्ति सेलाउन गएका एक युवकको नदीमा डुबेर मृत्यु भएको छ ।
मृत्यु हुनेमा राजदेवी ७ मुडवलवाका २२ वर्षीय सुरज यादव रहेका छन् । रौतहटको राजदेवी नगरपालिका ६ मा रहेको बाग्मती नदीमा सरस्वती पूजाको मूर्ति विर्सजन गर्ने क्रममा यादव डुबेर बेपत्ता भएका थिए ।
बेपत्ता भएका यादवको खोजी कार्यमा मंगलवारदेखि नै सुरक्षाकर्मी र स्थानीय लागेका थिए । उनको शव बुधवार बिहान उनी डुबेकै स्थानमा फेला परेको जिल्ला प्रहरी कार्यालय रौतहटका प्रवक्ता डिएसपी दिपककुमार रायले बताउनुभयो ।
पानीमुनि रहेको उनको शवलाई माछा मार्ने जाल प्रयोग गरेर निकालिएको थियो । मृतकको शवलाई पोष्टमार्टमपछि परिवारजनको जिम्मा लगाइएको डीएसपी रायले बताउनुभयो ।
