सिमरा,बाराको जीतपुरसिमरा उपमहानगरपालिका– २१ माइराम चोकमा ट्याङ्करको ठक्करबाट एक महिलाको मृत्यु भएको छ ।शनिवार दिउँसो ना.६ ख २९९१ नम्बरको ट्याङ्करले पैदल यात्री सोही ठाउँकी ७७ वर्षीय हरीमायालाई ठक्कर दिँदा उनको मृत्यु भएको प्रहरीले जनाएको छ ।ठक्करबाट गम्भीर घाइते भएकी उनलाई उपचारको लागि कलैया अस्पतालतर्फ लैजाँदै गर्दा बाटोमै मृत्यु भएको प्रहरीले जनाएको छ ।ट्याङ्कर चालकलाई प्रहरीले नियन्त्रणमा लिएको छ ।
श्रीमान श्रीमती मृत अवस्थामा फेला
रौतहट,रौतहटमा श्रीमान श्रीमती मृत अवस्थामा फेला परेका छन् । दुबैजना आफ्नै घरको सुत्ने कोठामा झुन्डिएको अवस्थामा फेला परेको रौतहटका प्रहरी प्रवक्ता प्रहरी नायब उपरीक्षक उमाशंकर यादवले जानकारी दिनुभयो ।
रौतहटको बौधिमाई नगरपालिका वडा नम्बर– २ इनर्वा टोल बस्ने रामदिनेश पटेल र उनकी श्रीमती गीताकुमारी पटेल झुन्डिएको अवस्थामा मृत फेला परेका उहाँको भनाइ छ ।मृतक दुबै जनाको शव पोस्टमार्टमको लागि जिल्ला अस्पताल, गौरमा पठाइएको छ । घटना विषयमा थप अनुसन्धान भइरहेको प्रवक्ता यादवले बताउनुभयो । कार्यक्रममा नेकपा एमाले पोलिटब्युरो सदस्यहरु पुरुषोत्तम पौडेल, अच्युत मैनाली, केन्द्रीय सदस्यहरु मन्जु थापा, अरबिन्द सिंह, सरस्वती चौधरी, मधेस प्रदेश सभा सदस्य एवंम पार्टीको प्रदेश कमिटी सदस्यहरु देबनारयाण चौधरी, सुन्दर बिक, मनोज पौडेल, किशोर शर्मा, ढुन्डिराज उप्रेती, सीता गुरुङ, दिनेश ठाकुरलगायतको उपस्थिति रहेको थियो ।कार्यक्रम जीतपुरसिमरा उपमहानगर कमिटीका अध्यक्ष एवंव उपमहानगरपालिकाका उपप्रमुख भोला अधिकारीको सभापतित्वमा सम्पन्न भएको हो ।
