नरेश गुप्ता
बरियारपुर,लेनदेन मुदामा फरार एकजना प्रतिवादीलाई बारा प्रहरीले बुधबार पक्राउ गरेको छ ।
जिल्लाको महागढीमाई नगरपालिका वडा नम्बर २ स्थित ईटा भट्टामा काम गर्ने महागढीमाई नगरपालिका वडा नम्बर १ निवासी वर्ष ४२ का उपेन्द्र राउतलाई प्रहरीले नियन्त्रणमा लिइएको जिल्ला प्रहरी कार्यालय बाराका प्रहरी प्रवक्ता राजेश थापाले जानकारी दिनुभयो ।
प्रहरी चौकी बरियारपुरबाट प्रहरी नायब निरीक्षक अरुन राउताको कमान्डमा खटेको टोलीले राउतलाई पक्राउ गरेको जिल्ला प्रहरी कार्यलय बाराले जनाएको छ ।
यसैगरी बारामा मोटरसाइकल अनियन्त्रित भइ भएको दुर्घटनामा एक जना गम्भीर घाइते भएका छन । कलैया उपमहानगरपालिका वडा नम्बर १२ विशमभरपुरस्थित मटिअर्वाबाट कलैयातर्फ आउदै गरेको अन टेस्ट मोटरसाइकलअनियन्त्रित भएर दुर्घटना हुँदा चालक कलैया उपमहानगरपालिका वडा नम्बर १२ सितलपुर बस्ने राम नारायण साहका छोरा वर्ष २३ का शिवनाथ साह गम्भीर घाइते भएका हुन ।
उनको टाउकोमा चोट लागेको र अवस्था मध्यम रहेकोले कलैया अस्पतालमा सामान्य उपचारपछि हाल थप उपचारको लागि न्यूरो अस्पताल वीरगन्ज पठाइएको जिल्ला प्रहरी कार्यलय बाराले जनाएको छ ।
