निजगढ,नेपाल कम्युनिष्ट पार्टी (माओवादी केन्द्र) निजगढ नगरको वडा नम्बर ५, ६, ८ र ९ मा शनिबार कार्यकर्ता भेला सम्पन्न भएको छ ।
भेलाले वडा ५ को अध्यक्ष दिनेश गौतम, सचिव कुलबहादुर जिम्बा सहित २९ सदस्यीय वडा कमिटी बिस्तार गरेको छ । वडा नम्बर ६ को अध्यक्षमा षडान्द गौतम, सचिव बुद्ध लामा सहित २९ सदस्यीय कमिटी गठन भएको छ । त्यसैगरी ८ नम्बर वडा कमिटीको अध्यक्षमा पेमा घेम्जो लामा र सचिवमा सालिकग्राम ढुंगानासहित २९ सदस्यीय कमिटी गठन र वडा नम्बर ९ अध्यक्षमा शेख अन्जर, सचिव मोहन राना मगर सहित २९ सदस्यीय वडा कमिटी बिस्तार गरेको माओवादी प्रदेश कमिटी सदस्य रवि दङ्गालले जानकारी दिनुभयो ।
माओवादी केन्द्र प्रदेश २ कमिटीका सदस्य नेता रबिराज दंगालको प्रमुख आतिथ्यमा भएको भेलामा पार्टी नगर संयोजक दिपक खड्का, जिल्ला कमिटी सदस्यहरु बेनीबहादुर मोक्तान, सन्तोष दंगाल, संजिव लोप्चन, कुमार लामालगायतको उपस्थिति रहेको थियो ।
