जनकपुरधाम,मुख्यमन्त्री लालबाबु राउतले सातौ अन्तर्राष्ट्रिय योग दिवसको अवसरमा सात दिवसीय योग शिवीरको शुभारम्भ गर्नुभएको छ । पतंञ्जली योग समिति प्रदेश नं.२ ले आयोजना गरेको सात दिवसीय योग शिवरको प्रमुख अतिथि मुख्यमन्त्री राउतले आफनै निवासबाट भर्चुअल प्रविधिमार्फत शुभारम्भ गर्नुभएको हो । मुख्यमन्त्री निवास मधेश भवनमा आयोजित कार्यक्रमको उद्घाटन गर्नु हुँदै मुख्यमन्त्री राउतले अहिलेको व्यस्त जीवनमा आफु स्वस्थ्य रहन योग अपरिहार्य रहेको बताउनुभयो ।

योगलाई जनजनमा पु¥याउन बाबा रामदेवले खेल्नु भएको भूमिका एवं विश्वस्तरमा स्थापित गराउन भारतीय प्रधानमन्त्री नरेन्द्र मोदीको भूमिकालाई प्रशंसा गर्नु हुँदै मुख्यमन्त्री राउतले शहरी क्षेत्रमा मात्र सिमित योगलाई ग्रामीण क्षेत्रसम्म पु¥याउनुपर्नेमा जोड दिनुभयो ।

उद्घाटन समारोहमा प्रदेश सभा सदस्य एवं पतञ्जली योग समितिका प्रमुख सल्लाहकार कौशल यादवले स्वागत मन्तव्य राख्नुभएको थियो । पतञ्जली योग समितिका प्रदेश अध्यक्ष हरिहरलाल चौधरीको अध्यक्षतामा भएको कार्यक्रममा भूमि व्यवस्था कृषि तथा सहकारी राज्यमन्त्री योगेन्द्र राय यादव, प्रमुख सचिव गोकर्णमणी दुवाडी, मुख्यन्यायधिवक्ता दिपेन्द्र झा, पतञ्जली योग शिविरका पदाधिकारीहरु सहितको उपस्थिति रहेको थियो ।

शिविरमा योगको संचालन समितिका केन्द्रीय प्रभारी लव देव गुरुले गर्नुभएको थियो । अन्तर्राष्ट्रिय योग दिवस असार ७ गते विश्वव्यापीरुपमा मनाइने गरिन्छ ।

LEAVE A REPLY

Please enter your comment!
Please enter your name here