मनहर्वा,बाराको कलैया उपमहानगरपालिका २४ स्थित पिलुवा– कलैया सडकखण्ड अन्तरगतको श्रीपुरमा मोटरसाईकल दुर्घटना हुँदा बुधबार वीरगन्जका २ जना युवा गम्भिर घाइते भएका छन् । पिलुवाबाट कलैया जाँदै गरेको ना ३५ प ६१८१ नंबरको मोटरसाईकल तीव्र गतिका कारण अनियन्त्रित भइ दुर्घटना भएको प्रहरीले जनाएको छ ।
दिउसो २ बजेको समयमा भएको दुर्घटनामा परि वीरगन्ज महानगरपालिका १३ अशोकबाटिका निवासी २४ वर्षका विजय श्रेष्ठ र सोही ठाउँका अर्का वर्ष २५ का मधुकर खड्का गम्भीर घाईते भएका हुन् ।
खड्काको नाक र टाउकोमा चोटसँगै दाहिने गोडा भाँचिएको अवस्थामा बयोधा अस्पताल वीरगन्जमा उपचार भैरहेको छ । उनको अवस्था गम्भीर रहेको छ । श्रेष्ठको भने नेशनल मेडिकल कजेज वीरगन्जमा उपचार भइरहेको र अवस्था सुधारउन्मुख रहेको बाराका प्रहरी प्रवक्ता निरीक्षक सुरेन्द्र यादवले जाकारी दिनुभयो ।
