सिम्रौनगढ,बाराको सिम्रौनगढ नगरपालिका वडा नम्बर २ नौकाटोेलामा बिहेको जन्ती आएको जीपमा आगजनी भएको छ । वडा नम्बर ७ खजानीबाट वडा नम्बर २ नौकाटोलामा जन्तीको लागि आएको जीप पार्किङ्गमा राखेको स्थानमा पछाडिबाट अर्काे गाडीलाई ठक्कर दिँदा गाडीको पछाडिको भागमा क्षति पुगेको थियो । सोही विषयमा गाडी धनी लवकुश राज र खजानीका जयन्त कुश्वाहाको समूहबीच झडप भएको थियो । झडपका क्रममा लवकुशमाथि स्थानीयले हातपात गरेपछि स्थानीय बुद्धिजिवीहरुको रोहबरमा घटना साम्य भएको थियो ।
जन्ती लिएर पुनः खजानी फर्किएपछि जयन्त कुश्वाहासतिको समूहले गाडीमा आगजनी गरेको गाडी धनी लवकुश राजले आरोप लगाउँदै प्रहरीमा जाहेरी दिनुभएको छ । कुश्वाहाले आफुसहित आफ्ना आमा, बुबा तथा भाइ भतिजालाई समेत कुटपिट गरेको उजुरीमा उल्लेख छ । घटनाको सम्बन्धमा आवश्यक अनुसन्धान भइरहेको इलाका प्रहरी कार्यालय सिम्रौनगढका प्रहरी निरीक्षक दिपक सुवेदीले जानकारी दिनुभयो ।
