कलैया,बाराको करैयामाई गाउँपालिकाले माटो परीक्षण गर्ने भएको छ । गाउँपालिकाका प्रमुख प्रशासकीय अधिकृत सुरेन्द्रप्रसाद यादबले बुधबार एक सूचना प्रकाशित गरी कृषि विकास शाखाको आर्थिक वर्ष २०७७÷०७८ को स्वीकृत कार्यक्रम अन्तरगत किसानको माटो परीक्षण गर्न लागिएको जनाउनुभएको छ । माटो परीक्षण गराउन किसानले माटोको नमुना सहित बैशाख १९ गतेसम्म गाउँपालिकको कृषि शाखामा सम्पर्क गर्न सूचनामार्फत जानकारी गराइएको छ ।
