नरेश गुप्ता
बरियारपुर,कोभिड १९ को संक्रमण रोकथाम तथा न्युनीकरणको लागि जिल्ला प्रहरी कार्यलय बाराले कलैयामा सर्वसाधारणलाई मास्क वितरण गरेको छ । जिल्ला प्रहरी कार्यलय बाराका प्रहरी नायव उपरीक्षक एंव प्रहरी प्रवक्ता गौतम मिश्रको अगुवाईमा खटेको टोलीले कलैयास्थित भरत चौकमा बुधबार सर्वसाधारणलाई मास्क वितरण गरेको हो ।
सामुदायिक प्रहरी साझेदार कार्यक्रम अन्तरगत ‘तपाईको मास्क खै?’ अभियानलाई निरंतरता दिदै १७५ थान मास्क वितरण गरिएको प्रहरी प्रवक्ता मिश्रले जानकारी दिनुभयो । सो अवसरमा मास्कबीना भेटिएका सर्वसाधारणलाई मास्कको अनिवार्य प्रयोग गर्न सल्लाहसमेत दिइएको थियो । जिल्लामा कोरोना कोभिड १९ को महामारी दिनप्रतिदिन बढ्दै गएको अवस्थालाई मध्यनजर गर्दै सुरक्षा सतर्कता अपनाउन सबैले अनिवार्य मास्क प्रयोग गर्न र समाजिक दुरी कायम गरी भिडभाड नगर्न सबैमा आग्रह गरिएको प्रहरी प्रवक्ता गौतम मिश्रले जानकारी दिनुभयो ।
