नरेश गुप्ता,बरियारपुर,प्रधानाध्यापकमाथि कुटपिट भएको विरोधमा बारा जिल्लाको आदर्शकोतवाल गाउँपालिकाका सबै सामुदायिक विद्यालय सोमबारबाट बन्द भएका छन् । गाउँपालिकास्थित श्री रामचरित्र उच्च माध्यमिक विद्यालय जयनगर चिउँटाहाका प्रधानाध्यापक दिनेश साहमाथि हातपात भएको घटनाको विरोधमा सबै समुदायिक बिद्यालयहरु बन्द भएका हुन् । शिक्षक सङ्घ संगठनहरुले घटनाको विरोधमा विज्ञाप्ति जारी गर्दै दोषि उपर कारवाही नगरेसम्म विद्यालय बन्द राख्ने चेतावनी दिएका छन् । शिक्षक सङ्गठनका अगुवाहरुले घटनाको दोषि उपर कारवाही गर्न स्थानीय प्रहरी र प्रशासनसँग माग गरेका छन् । आइतबार श्री रामचरित्र उच्च माध्यमिक विद्यालय प्रधानाध्यपक साहमाथि सोहि विद्यालय व्यवस्थापन समितिका सदस्य रुपेश कुमार कुशवाहाले हातपात गर्दै दुव्र्यवहार गरेका थिए । रुपेशलाई प्रहरीले पक्राउ गरेको छ । घटना बारे अनुसन्धान भइरहेको जिल्ला प्रहरी कार्यालय बाराका प्रहरी नायब उपरिक्षक तथा प्रवक्ता गौतम मिश्रले बताउनुभयो ।
