राजनकुमार बानिया
पोखरिया, १ भदौँ– पर्साको सिमावर्ती छिपहरमाई गाउँपालिका वडा नम्बर २ टिहुकीबाट आइतबार बिहान प्रहरी चौकी टिहुकीले नेपाली रुपैया ३ लाखसहित एक जना हुण्डी कारोबारीलाई पक्राउ गरेको छ ।
ना ६५ प १७८१ नम्बर को मोटरसाईकलबाट झोलामा नेपाली रुपैया बोकेर भिस्वातर्फ आउदै गरेको अवस्थामा चेकजाँच क्रममा ३ लाख ८ सय पचास नेपाली रुपैयासहित पर्साको छिपहरमाई गाउँपालिका वार्ड नं २ चरगाहा गाउँ निवासी सतेन्द्रकुमार गुप्तालाई पक्राउ गरेको प्रहरी चौकी टिहुकीका प्रहरी सहायक निरीक्षक पवन झाले जानकारी दिनुभयो ।
प्रहरीकाअनुसार गुप्ता यसअघिदेखि नै हुण्डी कारोबारमा संलग्न रहेको बताइएको छ । गुप्ताको साथबाट दुई थान मोबाइल समेत बरामद भएको छ । पक्राउ परेका गुप्तालाई नगद रुपैया सहित ईलाका प्रहरी कार्यालय पोखरियामा बुझाइएको प्रहरी निरिक्षक चन्द्रसिंहले जानकारी दिनुभयो ।
