नरेश गुप्ता
बरियारपुर – बाराको सदरमुकाम कलैया दिन प्रतिदिन खुकुलो बन्दै गएको छ । नेपाल सरकार लगाएको लक डाउनको सोमबार ६९ औ दिन कलैया बजारमा धेरै जसो पसलहरु खुलेको र उपभोक्ताहरु मालसामान किनमेल गरिरहेका अवस्था थियो । लक डाउनको समय सिमा बढाईएको भएपनी त्यसको पालना कलैया बजारमा गरिएको छैन ।
कोरोना संक्रमितको संख्या बारामा एकासी बढेसंगै जोखिमको खतरा बढेपनी स्थानीय ब्यापारी र उपभोक्ताले समाजिक दुरिको खिल्ली उडाउदै कलैया बजार सोमबार ब्यस्त देखिएको थियो । जिल्ला कै सदरमुकाम कलैयामा बितिय संस्था र ब्यापारिक केन्द्रहरुमा दिनप्रतिदिन चहलपहल बढ्दै जानू स्थानीय प्रहरी प्रशासनकै लापरबाही पुर्ण रुपमा देखिएको छ । कोरोना १९ को रोकथामको लागि नेपाल सरकारले लगाएको लक डाउनको पालना गराउन बाराको प्रहरी प्रमुख कृष्ण पंगेनिले प्रतिबद्धता जाहेर गराउनु भयो ।
लक डाउनको पालना ,अति आवश्यक खाधान्न , औषधि पसल , कृषि मलखाद , फलफुल तरकारी लगायतको पसलहरु मात्र समय भित्र खुल्न लगाउने बांकी पसलहरु बन्द गर्न सुरक्षाक्रमी परिचालन गरिने प्रहरी प्रमुख पंगेनिले बताउनु भयो ।
बाराको सदरमुकाम कलैया लगायत स्थानीय तहको पनि प्रमुख ब्यापारिक केन्द्रहरु खुल्न थाले पछि लक डाउन खुकुलो भएको स्थानीयहरुको बुझाई रहेको छ भने अर्को तिर कोरोना संक्रमितको खतरा पनि उति नै बढेको देखिन्छ ।
