जीतपुर,जिल्ला प्रहरी कार्यालय पर्साले १२ सय लिटर अवैध मदिरा बरामद गरेको छ । प्रहरी चौकी परवानीपुरबाट खटिएको टोलीले चेकजाँच गर्ने क्रममा वीरगञ्ज महानगरपालिका वडा नम्बर १६ स्थित सडकमा यात्रु बहाक बसबाट मंगलबार उक्त परिमाण बराबरको मदिरा बरामद गरेको हो ।
पथलैयाबाट वीरगञ्जतर्फ जादै गरेको सार्वजनिक यात्रु बाहक बसबाट बरामद गरिएको मदिरा हो । बरामद मदिरा स्थानीय बुद्धिजिवी एवम् सञ्चारकर्मीको रोहबरमा नष्ट गरिएको जिल्ला प्रहरी कार्यालय पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले जानकारी दिनुभयो ।
