कृष्ण मोहन साह
सेढवा – बुधबार पर्सको जगरनाथपुर गाउँपालिकामा एउटा मृत अवस्थामा रहेको चितल फेला परेको छ । पर्सा राष्ट्रिय निकुञ्जबाट भागेर गएको चितल जगरनाथपुर गाउँपालिकाकाे वडा नम्बर १ दसौताको ओरिया खोला नजिकबाट उक्त चितल फेला परेको जानकारी प्राप्त भएकाे छ ।
चितललाई कुकुरहरुले लखेटर मारेको हुन सक्ने प्रारम्भिक अनुसन्धानबाट खुलेको सेक्टर बन कार्यालय वसन्तपुरका सुपेदार प्रदिप तिमल्सिनाले जानकारी दिनुभयो । फेला परेको चितललाई स्थानीय जनप्रतिनिधि भद्रभलादमी र संचारकर्मीकाे रोहवरमा गाडिएको सेक्टर बन कार्यालय बसन्तपुरका रेन्जर सुमन पाण्डेले जानकारी दिनुभयो ।
