नरेश गुप्ता
बरियारपुर – लक डाउनको १७ औं दिन बाराको विभिन्न स्थानीय तहमा संचालनमा रहेको क्वारेन्टाइनमा १ सय ७ जनालाई निगरानी गरिएको छ । कोरोना कोभिड १९ को संक्रमण फैल्न नदिन नेपाल सरकारले लगाएको लक डाउनको बिहीवार १७ औं दिन बाराको जनजीवन कष्ट्मय बन्दै गएको छ । लक डाउनमा बारामा खाधान ढुवानी सेवाको लागि ट्रक ,ट्रक्कटर, मिनि ट्रक , एम्बुलेन्स ,,प्रेसको गाडी बाहेक अन्य आफ्नो ब्यक्तिगत प्रयोजनका लागि सडकमा सवारीसाधन गुडेको थियो ।
कोरोना कोभिड १९ को संक्रमण रोकथामको लागि जिल्ला भरिमा ३ सय ४५ वटा क्वारेन्टाइन निर्माण गरिएको प्रहरी प्रवक्ता गौतम मिश्रले बताउनु भयो । लक डाउनको १७ औं दिन बारामा लक डाउनको अवज्ञा गरि सवारीसाधन चलाएको २५ वटा मोटरसाइकल र ६ जना मानिसलाई नियन्त्रणमा लिइएको जिल्ला प्रहरी कार्यलय बाराले जनाएको छ ।
