नरेश गुप्ता
बरियारपुर – प्रहरी समुदाय साझेदारी कार्यक्रम अन्तर्गत बाराको सदरमुकाम कलैयामा कोरोना भाईरस विरुद्ध सचेतनामुलक कार्यक्रम शनिबार समपन भएको छ । बाराको प्रहरी प्रमुख बिकास राज खनालको अध्यक्षता एवं नगर प्रमुख राजेश राय यादवको प्रमुख अतिथियमा कोरोना भाईरस विरुद्ध सचेतना कार्यक्रम समपन भएको हो ।
छिमेकी राष्ट चिन बाट महामारीको रुपमा अन्य देशहरुमा कोरोना भाईरस सर्ने खतरा बढ्दै गएपछी नेपालमा पनि यसबाट बच्न उपायहरु रहेकोले सबैले मुखमा मास्क लगाउनु पर्ने , भिडभाडमा जांदा मास्क अनिवार्य रुपमा लगाउनु पर्ने प्रहरी प्रमुख बिकास राज खनालले बताउनु भयो । कोरोना भाईरस लाग्नु भन्दा अगावै यसको रोकथाम र बच्नु पर्ने बाराको प्रमुख जिल्ला अधिकारी फणीन्द्र मणि पोख्रेलले बताउनु भयो ।
कोरोना भाईरस विरुद्ध निकालिएको सचेतनामुलक रैली कार्यक्रम नगरको विभिन्न क्षेत्रमा परिक्रमा गरि भरत चौक स्थित कोण सभामा परिनत भएको थियो । कोरोना भाईरस विरुद्ध आम नागरिकमा यस्को बारेमा रोकथाम गर्न जानकारी दिने उदेश्यले रैली कार्यक्रमको आयोजना गरिएको थियो ।
आयोजित कोण सभामा कलैया अस्पतालको नियमित मेडिकल सुपरिटेन्डेन्ट प्रेमसंकर चौरसियाले कोरोना भाईरस विरुद्ध सहजीकरण गर्नु भएको थियो । कोरोना भाईरस विरुद्ध रैली कार्यक्रम विभिन्न संघ संस्थाको प्रतिनिधि , बिधार्थी , संचारक्रमिहरुको सहभागिता रहेको थियो ।
