नरेश गुप्ता
बरियारपुर – अहिले बारामा खुल्याम रुपमा तस्करीकाे कार्य बढेकाे छ । तस्करहरुले राजश्व छलि भारतबाट तस्करी गरि ल्याईएको लत्ताकपडा रकमको चलखेलमा पक्राउ गरिएको सामान छाडिएको रहस्य बाहिर आएको छ ।
सिमा नाका कवहिगोठ भएर नेपाल भित्राईएको लत्ताकपडा पिक भ्यान सहित पक्राउ गरिए पनि मोटो रकमको चलखेलमा नेपाल प्रहरीले छाडेको रहस्य बाहिर आएको छ । बाराको प्रहरी चौकी बरियारपुरको प्रहरी सहायक निरीक्षक जगदिश यादवले बिगत केही दिन अगाडि महागढीमाई नगरपालिका २ स्थित ईनर्वा चौकमा भारतिय नम्बरको पिक भ्यान सहितको लत्ताकपडा बरामद गरेको केही क्षणमै दुई लाख पचास हजार नजराना लिइ छाडेको एक प्रहरी हवलदारले नाम उल्लेख नगर्ने सर्तमा बताए ।
महागढीमाई नगरपालिका २ बरियारपुर बजार स्थित रहेको विभिन्न रक्सी पसलबाट समेत घरेलु मदिरा बिक्रि बितरण गरे बापत नजराना लिदै आएको स्थानिय ब्यापारिहरु बताउछन् । भारतिय तस्कर तेजा यादवले भारतिय नम्बरको पिक भ्यानमा मालसामान लत्ताकपडा नेपाल ल्याउदै गरेको थियो । त्यसैगरी विश्व प्रसिद्ध गढीमाई मेलामा स्थानिय लगायत श्रद्धालुहरुको हराएको मोटरसाइकल अहिले सम्म बरामद भएको छैन ।
प्रहरी चौकी नजिकै रहेको स्थानिय प्रहरी हवल्दार रामनिवास साह तेलिको घरबाट मोटरसाइकल हराएको महिनौ बितिसक्दा पनि मोटरसाइकल बरामद गरिएको छैन । बाराको विभिन्न सिमा नाकामा तस्करी मौलाउदै गएपछी प्रदेश नम्बर २ को बाहिनिपती राजु अर्यालले मातहतको सिमा नाकामा निगरानी बढाएको छ । तस्करी नियन्त्रण गर्नु साटो नेपाल प्रहरी कै मातहतको ईन्चार्जबाट तस्करीको लाईन दिने नजराना उठाउने कार्य भैइरहेको छ ।
तस्करी गरिएको मालसामान पक्राउ गरिए पनि रकमको चलखेल गरेर तस्करी कार्यलाइ बढावा दिने गरिएको समबन्धमा बाराको प्रहरी प्रवक्ता गौतम मिश्रले आफुले सो पिक भ्यान र लत्ताकपडा समबन्धमा अनुसन्धान गरिरहेको प्रतिक्रिया दिनु भयो ।
