नरेश गुप्ता
बरियारपुर – फैसला कार्यान्वयनको सिलसिलामा फरार प्रतिबादिलाई पक्राउ गर्ने र ठहर जरिवाना तिराउदै अभियुक्तहरुलाई छाडिएको छ । बिगत लामो समय देखि फरार रहेको विभिन्न मुदाको फरार प्रतिबादिहरुलाई पक्राउ गर्ने र जरिवाना तिराउने कार्य तिब्र रुपमा देखिएको छ ।
समानित बारा जिल्ला अदालतको फैसला कार्यान्वयन गर्न ठहर भएको जरिवाना तिराउने गरिएको बाराको प्रहरी प्रवक्ता गौतम मिश्रले बताउनु भयो । बिगत लामो समय देखि डांका मुदामा अदालतको जरिवानाको लागि फरार रहेको देवताल गांउपालिका ६ निवासी जादोलाल राउत अहिरलाई बारा प्रहरीले पक्राउ गरेको हो । प्रतिबादी यादव रु १३ हजार पांछ सय जरिवानाको लागि फरार रहेको थियो ।
त्यसैगरी पुस २३ गते ईलाका प्रहरी कार्यलय बारागढीको टोलिले काठ चोरिको फरार प्रतिबादी रामदेव थारुलाई लुकिछिपी रहेको अवस्थामा पक्राउ गरिएको हो । उनी चार हजार सांत सय जरिवानाको लागि फरार रहेको थियो । पक्राउ परेका दुबै फरार प्रतिबादिलाई बारा जिल्ला अदालतमा प्रस्तुत गरिएकोमा उनिहरु जरिवाना रकम दाखिला गरि छुटेको बाराको प्रहरी प्रवक्ता मिश्रले जानकारी दिनु भयो ।
त्यसैबिच बारा प्रहरीले कलैया उपमहानगरपालिका १९ पंचायनपुर स्थित रहेको अबैध मदिरा घरेलु भट्टि नष्ट गरेको छ । प्रहरीको टोलिले भट्टि भित्र रहेको कच्चापदार्थ २००० लिटर ,तयारी मदिरा १०००/ लिटर नष्ट गरेको जिल्ला प्रहरी कार्यलय बाराले जनाएको छ ।
