सिमरा – बिरगजं महानगरपालिका ८ पानिटंकीमा रहेको एल.एस. न्युरो एण्ड जेनरल अस्पताल प्रा.लि.ले शविबार बनभोज कार्यक्रमको आयोजना गरेको छ । अस्पतालले आफ्ना कर्मचारी, सहयोगी, शुभचिन्तहरुलाई बोलाएर बाराको सिमरा स्थीत थानीमाई सामुदायिक वन पार्कमा वनभोजको आयोजना गरेको हो ।
वनभोज कार्यक्रममा हस्पीटलका कार्यकारी प्रमुख राम प्रवेश प्रसाद कुर्मी नशा रोग विशेषज्ञ डा.श्यामबाबु प्रसाद, बालरोग विशेषज्ञ डा. सागरमानसिंह अमात्य, स्त्रीरोग विशेषज्ञ डा.पिगला अमात्य, कानुन ब्यवसायी रामनारायण कुर्मी लगायतको समेत सहभागिता रहेको थियो ।
३ बर्ष अघिबाट संचालनमा रहेको अस्पतालमा स्त्री, बाल तथा नशा रोग सम्बन्धी सम्पूर्ण रोगको उपचार हुँदै आएको छ । नशा रोगका लागि २ नं. प्रदेशमै एल.एस. न्युरो एण्ड जेनरल अस्पताल भरपर्दो रहेको कार्यकारी प्रमुख कुर्मीको दावी छ ।
