नरेश गुप्ता
बरियारपुर – बाराको महागढीमाई नपा ५ कवही जब्दिको स्थानीय दलित , अपांग र असहाय महिला पुरुषलाई बुधबार कम्बल बितरण गरिएको छ । कम्बल बितरण कार्यक्रमलाई सम्बोधन गर्दै नगर प्रमुख उपेन्द्र प्रसाद यादवले शितलहर बाट आफू वचन र अरुलाई बचाउन आग्रह गर्नु भएको छ ।
चिसो र शितलहर छल्न नगरपालिकाले आगो बाल्न दाउरा बितरण र न्यानो कपडा समेत असहायलाई बितरण गर्दै आएको बताउनु भयो । महागढीमाई नगरपालिकाको वडा न १ देखि ११ सम्मको स्थानीय दलित , अपांग र असहायलाई कम्बल बितरण गर्ने कार्यक्रम रहेको वहाले जानकारी गराउनु भयो ।
स्थानिय कवही जब्दिको ३५ जना असहायलाई कम्बल बितरण गरिएको प्रशासन शाखा प्रमुख गनायक ठाकुरले बताए ।सो अवसरमा वडा अध्यक्ष गजेन्द्र जैसवाल , महागढीमाई नपाको सल्लाहकार भैयारम यादव , अंगत पाण्डे , शस्त्र बेस क्याम्प बरियारपुरको शस्त्र प्रहरी निरीक्षक सुदर्शन अर्याल संचारक्रमिको सहभागिता रहेको थियो ।
