बारा : जिल्ला प्रशासन कार्यालय बाराका प्रमुख प्रशासकिय अधिकृत शेर बहादुर थापा चढेको गाडी सुक्रबार विहान दुर्घटना भएको छ । महागढीमाई नगरपालिकाको स्कोर्पियो पिकअप भ्यान नीजि प्रयोजनका लागि थापाले काठमाण्डौ लिएर जाँदै गर्दा मकवानपुरको रातोमाटेमा दुर्घटना भएको हो । दुर्घटनमा मानविय क्षेती नभएपनी सवारीमा भने ठुलै क्षती पुगेको प्रहरीले जनाएको छ ।
कलैयाबाट काठमाण्डौ हिँडेको ना १ ज १५८५ नम्बरको पिकअपलाई विपरित दिशाबाट आउँदैगरेको ना ८ ख ७२४४ नम्बरको ट्रकले ठक्कर दिएको जिल्ला ट्राफिक प्रहरी कार्यालय मकवानपुरले जनाएको छ । जिल्ला प्रशासन कार्यालयका प्रमुख प्रशाकीय अधिकृत थापा कार्यालयमा बिदा लिएर घर जाँदै थिए । सोही क्रममा दुर्घटनामा पर्नु भयो, प्रमुख जिल्ला अधिकारी फणिन्द्रमणी पोखरेलले भने । थापाले आजै कार्यालयमा बिदा लिएर घर हिँडेको सहायक प्रमुख जिल्ला अधिकारी मुरारी कार्कीले बताए ।
जिल्ला प्रशासन कार्यालय बाराबाट काठमाण्डौ जाने स्विकृत लिई गाडी काठमाण्डौं जाँदै थियो । प्रशासकिय अधिकृत र चालक गरी गाडीमा २ सवार रहेको महागढिमाई नगरपालिकाका निमित्त कार्यलय प्रमुख विजय प्रसाद कुशवाहले बताए ।
