अनिल तिवारी
सिमरा, १५ मंसिर । सिमरा महिला बचत तथा ऋण सहकारी संस्था लि. सिमराले लैङ्गिक हिंसा बिरुद्धको १६ दिने अभियान अन्तरगत एक दिने अन्तरकृया कार्यक्रमको आयोजना गरेको छ । बुधवार संस्थाको भवनमा सम्पन्न अन्तरकृयामा समाजमा ब्याप्त रहेको महिला हिंसा जस्ता अपराधलाई न्युनिकरण गर्न कानुनमा भएको ब्यवस्था र प्रहरीले गर्दै आएको कानुनी कारवाहिको बारेमा जानकारी गराइएको थियो ।
कार्यक्रममा ईलाका प्रहरी कार्यालय सिमराका प्रहरी नायब उपरिक्षक गोविन्द पुरीले नेपामा महिला हिंसाको तथ्याङ्क सार्वजनिक गर्दै यस अपराधलाई नियन्त्रण गर्न प्रहरीले खेलेको भुमिकाको बारेमा प्रस्ट पार्नुभएको थियो । यसैगरी सहभागी महिलाहरुको जिज्ञासालाई समेट्दै जीतपुरसिमरा उपमहानगरपालिकाका कानुनी सल्लाहकार अधिबक्ता दामोदर पौडेलले कानुनमा लैङ्गिक हिंसा सम्बन्धि भएको कानुनी ब्यवस्थाको बारेमा जानकारी गराउनुभएको थियो ।
संस्थाका अध्यक्ष अनिता लम्सालको सभाअध्यक्षतामा सम्पन्न कार्यक्रममा जीतपुरसिमरा उपमहानगरपालिकाका कार्यपाललिका सदस्य सुमित्रा कार्की (शोभा), अनुसन्धान प्रमुख दिपक चौधरी, महिला अधिकारकर्मि एवम पत्रकार बिदुर खड्का लगाएतको उपस्थिती रहेको थियो ।
भिमादेबि पौडेलको सहजीकरणमा सम्पन्न कार्यक्रममा मुना खरेलले स्वागत मन्तब्य राख्नुभएको थियो ।
