कृष्ण मोहन साह
सेढवा, २९ कार्तिक । पर्साको सखुवा प्रसौनी गाउँपालिकाबाट बन गस्ती टोलिले शुक्रबार बिहान छापामारी गरि सालको गोलिया काठ बरामद भएको छ । सब डिभिजन बन कार्यालय बढनियारबाट सुपेदार प्रदीप तिमल्सिनाको नेतृत्वमा गएको गस्ती टोलिले विशेष सुचनाको आधारमा दुई जनाको घरमा छापामारी गर्दा सालको गोलिया काठ बरामद भएको सब डिभिजन बन कार्यालय बढनियारका सहायक बन अधिकृत सशिकान्त तिवारीले जानकारी दिए ।
सखुवा प्रसौनी गाउँपालिका वडा नम्बर १ सखुवनिया टाडीका स्थानीय अरुण तिवारी र प्रदेशी थारुको घरमा छापामारी गरि चिरान काठ र सलको गोलिया काठ ३५ क्युफिट बरामद भएको बारे सब डिभिजन बन कार्यालय बढनियारका सहायक बन अधिकृत तिवारीले जनाए ।
बरामद गरिएको काठलाई आवश्यक कार्वाहीको सब डिभिजन बन कार्यालय बढनियारमा राखिएको र घर धनिको खोजिकार्य भई रहेको सब डिभिजन बन कार्यालय बढनियारका सहायक बन अधिकृत तिवारीले बताए ।
