नरेश गुप्ता , कार्तिक २१ । बाराको एतिहासिक गढीमाई मन्दिरमा श्रदालु भक्तजनकोलागि कार्पेट लगाईएको छ । बाराको प्रमुख जिल्ला अधिकारी फणीन्द्र मणि पोख्रेल र महागढीमाई नगर प्रमुख उपेन्द्र प्रसाद यादवले संयुक्त रुपमा बिहिवार बिहान कार्पेट ओछेयाएर उदघाटन गरिएको थियो ।
पंचबर्षिय गढीमाई मेलामा गढीमाई मन्दिर परिसरमा निकै भिडभाड बढेपछी लडने , चिप्लिएर दुर्खटना हुने भएकोले मन्दिर परिसरमा कार्पेट ओछयाईएको बाराको प्रमुख जिल्ला अधिकारी फणीन्द्र मणि पोख्रेलले बताउनु भयो । महागढीमाई नगरपालिकाको आर्थिक सहयोगमा गढीमाई मन्दिर परिसरमा कार्पेट ओछयाईएको नगर प्रमुख उपेन्द्र यादवले बताउनु भयो ।
सो अवसरमा गढीमाई मन्दिर संचालन तथा बिकास समितिको अध्यक्ष रामचन्द्र साह तेलि , बाराको प्रहरी प्रमुख बिकास राज खनाल लगायत पुजारिहरुको सहभागीता रहेको थियो ।
